Правайдары паслуг

Рэкамендаваны спосаб падключэння да сэрвісу «Хуткі Грош»™ для правайдараў паслуг:  праз API / модулі для CMS.

Перавагі падключэння праз API / модулі для CMS для правайдараў паслуг:

• Аўтаматычнае выстаўленне рахункаў – зручна, хутка.
• Імгненна бачны статус плацяжу ў ВАШАЙ сістэме.
• Доступ да базы ўсіх аперацый.
• Магчымасць самастойнага атрымання любых справаздач.
• Аўтарызаваны доступ.

Звяртаем Вашу ўвагу: асабісты кабінет і атрыманне электронных рэестраў за перыяд — магчымасць, даступная для ўсіх кліентаў сэрвісу.

Рэгламент падключэння да сэрвісу «Хуткі Грош»™ праз API / модулі для CMS:

1. У адказ на Вашу заяўку на падключэнне сэрвіс накіруе Вам інфармацыйны ліст (пасля ўзгаднення і падпісання дакументаў з АІС «Разлік») з просьбай пацвердзіць/змяніць/дадаць указаныя ў заяўцы кантактныя даныя (адрасы электроннай пошты; тэлефоны; інш.) і актуальныя настройкі справаздач і апавяшчэнняў; у лісце таксама будуць указаны рэкамендаваныя спосабы ўзаемадзеяння з сэрвісам (зыходзячы са спецыфікі Вашага бізнесу), а таксама спасылка для актывацыі доступу да сэрвісу праз API (у выпадку падключэння праз модуль для CMS — рэкамендацыі па ўстаноўцы і іншая важная інфармацыя для Вашых распрацоўшчыкаў — спасылка на раздзел для распрацоўшчыкаў).
2. На працягу 3 каляндарных дзён з моманту адпраўкі Вам неабходна актываваць доступ, задаўшы ўласны пароль. Кантактныя даныя, спосабы ўзаемадзеяння могуць быць зменены па Вашай заяўцы ў самыя кароткія тэрміны.
3. Калі API нашага сэрвісу (альбо модуль для CMS) Вамі паспяхова рэалізаваны, тады выстаўленне рахункаў будзе адбывацца аўтаматычна.
4. У выпадку аплаты плацёж накіроўваецца на Ваш разліковы рахунак (за вылікам камісіі АІС «Разлік») на наступны банкаўскі дзень пасля здзяйснення плацяжу.
5. Па факце прыняцця аплаты па выстаўленым рахунку наш сэрвіс перадае Вам інфармацыю аб аплаце праз API, а таксама паведамляе Вам аб здзейсненай аплаце праз электронную пошту і/або СМС.
6. Пасля пералічэння плацяжоў на Ваш разліковы рахунак наш сэрвіс ператварае атрыманы ад АІС «Разлік» электронны рэестр аплачаных плацяжоў у абраны Вамі фармат і сфармаваны рэестр перадае Вам.
7. Не пазней 10-га чысла месяца, наступнага за справаздачным, наш сэрвіс фарміруе і накіроўвае Вам электронны рэестр аплачаных плацяжоў за мінулы месяц разам з рахункам-актам на аплату паслуг сэрвісу. Аплата паслуг сэрвісу ажыццяўляецца на падставе рахунку-акта ў тэрмін да 15-га чысла месяца, наступнага за справаздачным.

Правілы для аплаты рахункаў, выстаўленых праз API / модулі для CMS:

• Рахунак пастаянны ў часе.
• Суму аплаты па рахунку вызначае сам плацельшчык; альбо сума рахунку выстаўляецца з білінг-панэлі.

Сэрвіс «Хуткі Грош»™ дазваляе выкарыстоўваць розныя варыянты аплаты выстаўленага рахунку.